viernes, 28 de noviembre de 2008

MARTES 2 DECEMBRO ÁS 20:00 HS NO AUDITORIO DO AREAL, CONFERENCIA DA VENEZOLANA BLANCA EEKHOUT

A CONFERENCIA, ABERTA Ó PÚBLICO EN XERAL, SERÁ PRESENTADA POLO MEMBRO DO IGADI, ROBERTO MANSILLA.

BLANCA EEKHOUT

Lic. en Arte, Especializada en Cine. Presidenta Fundadora da Televisora del Estado ViVe. Membro da Comisión Presidencial Moral e Luces. Activista comunitaria e comunicadora popular. Desempeñouse como Presidenta da Canle do Estado Venezolana de Televisión (VTV). Fundadora e Directora da Televisora Comunitaria do Oeste “Catia Tve”. Fundadora da Casa da Cultura Simón Rodríguez e do Cine Club Manicomio. Fundadora do Centro de Cultura Cinematográfica Linterna Mágica. Cofundadora da Escola Comunitaria do Documental.

Faga clic sobre a imaxe para mirarla mias grande

Participou na creación do Noticiero Internacional de Barrios ano ano 2001. Desempeñouse como Profesora na Cátedra de Cinematografía da Escola de Artes da Universidade Central de Venezuela no ano 2002. Membro da Comisión Presidencial para o Diálogo 2002. Participou na elaboración do Regulamento de Radio e Televisión Comunitarias. Membro da Rede Mundial de Intelectuais e Artistas en Defensa da Humanidade. Relatora no Seminario Internacional “A Humanidade Fronte ó Imperialismo”, en Defensa da Humanidade.

Relatora no Seminario Internacional ALADI- FLACSO 2007 no Ecuador. Relatora na “Mostra Latinoamericana de Culturas Populares en Brasil 2008” convocada polo Movimiento Sen Tierra, (MST). Relatora no ciclo de conferencias no marco dos actos conmemorativos do 197 aniversario da Sinatura da Acta da Independencia en Quito-Ecuador.

“Venezuela: cando o extraordinario se fai cotián”

O que os medios de comunicación ocultan

A Revolución Bolivariana fixo transformacións estruturais significativas, con importantes avances políticos, económicos e sociais; non obstante, a mentira mediática e a permanente agresión imperial, pretenden impedir que estes avances sexan exemplo e esperanza para moitos pobos que aínda seguen controlados polas ditatoriais leis do sacrosanto mercado. Venezuela atreveuse a soñar un mundo non ditado polo pensamento único, iniciando un cambio histórico baseado na necesidade impostergable de lograr a supervivencia do noso pobo, a soberanía da nosa patria e a unidade da Nosa América.

A Constitución da República Bolivariana de Venezuela converteuse nunha ferramenta, non para o control e a submisión do pobo, senón para a liberación e o desenvolvemento do poder popular. Unha lexislación orientada a construír unha sociedade máis xusta, igualitaria e solidaria que, dentro dunha concepción de corresponsabilidade Sociedade-Estado, sexa capaz de garantir o benestar social e o desenvolvemento pleno e digno da vida de todas e todos. Ademais, a estratexia de loita definida é a loita pacífica e democrática, baseada na participación activa das amplas maiorías nacionais excluídas e postergadas durante a falsa democracia, a democracia representativa presente durante toda a historia de la República.

A pesar da guerra mediática, a sabotaxe, a inexperiencia, as contradicións internas, e as enormes limitacións dun aparato de Estado desmantelado e controlado por intereses estranxeiros imperialistas case dende a súa fundación, esta Revolución fixo cotián o imposible e neste mundo onde todo se compra e se vende, nós:

Garantimos a gratuidade da saúde, da educación, da seguridade social e a seguridade alimentaria. Igualmente, lexislouse para garantir o acceso á vivenda para todas e todos os venezolanos, a defensa do medioambiente, o desenvolvemento agroecolóxico e socioprodutivo fortalecendo a independencia e soberanía en áreas estratéxicas e contando para iso, coa participación protagónica dos Consellos Comunais (órganos directos do Poder Popular) na implementación desta política. Desenvolvemos ademais, unha política internacional de integración, solidariedade e cooperación entre os pobos, onde as experiencias das misións sociais se compartiron cos pobos irmáns e foron ferramentas fundamentais para resolver as enormes dificultades en saúde e educación. Igualmente hoxe, os nosos recursos enerxéticos poñen o servizo dos pobos con menos recursos e máis necesidades. Finalmente, somos exemplo de que se iniciou un cambio de época en América Latina e definitivamente, outro mundo é posible...

www.clubinternacionaldeprensa.org

No hay comentarios: