domingo, 6 de mayo de 2012

NÓS-Unidade Popular quer denunciar a constante utilizaçom dos meios públicos municipais por parte do alcaide de Vigo

Comunicado: 


A Assembleia Comarcal de NÓS-Unidade Popular de Vigo quer denunciar a constante utilizaçom dos meios públicos municipais por parte do alcaide de Vigo, Abel Caballero, para uso estritamente privado.

A utilizaçom do carro oficial para deslocar-se e abandonar umha das manifestaçons do 1º de maio, Dia do Internacionalismo Proletário, é o mais recente episódio do mal uso que fai Abel Caballero do património da cidade.

Somos nós, os trabalhadores e as trabalhadoras quem pagamos com os nossos impostos as despesas do carro oficial, o combustível e as horas extras do chofer. A classe trabalhadora viguesa nom deve pagar os compromissos pessoais do alcaide.

À margem do cinismo e oportunismo de Caballero acudindo ao 1º de Maio, quando leva anos implementando desde o Concelho umha política lesiva para os interesses da classe trabalhadora de Vigo, a presença na manifestaçom de CCCO-UGT nom justifica  o seu deslocamento em carro oficial.

Mais umha vez os apelos de austeridade que Caballero difunde ficam em evidência, em papel molhado, pois nom passam de mera retórica demagógica.

É frequente na casta política da nossa cidade a utilizaçom dos meios públicos para benefício pessoal. Caballero, Figueroa ou Santi Dominguez nom tenhem nem o mais mínimo respeito polo património público, nom lhes importa em que ou como gastá-lo.

O abuso dos carros oficiais responde a que nom acreditam no transporte público, porque é lento, caro e insuficientes as frequências. Nom o utilizam para deslocar-se e sim para poder privatizá-lo mediante vergonhentas concessons a empresas que se enriquecem a custa da vizinhança e da sobre-exploraçom dos seus trabalhadores e trabalhadoras.

A Assembleia Comarcal de NÓS-UP de Vigo denúncia a existência e utilizaçom de carros oficiais para uso pessoal. Solicitamos umha exaustiva fiscalizaçom e controlo do seu uso, e a reduçom ao mínimo da utilizaçom do carro oficial polo alcaide.


http://nosgaliza.org/prova2/?p=1242

No hay comentarios: